SEPEDI - Nelson Mandela SDGs Book

Pukwana ye e šoma bjalo ka tumišo ya go ikgetha go Nelson Rolihlahla Mandela, Mopresidente wa maloba wa Afrika Borwa, yoo a tsebegago go bao ba mo ratago bjalo ka Madiba, go lemoga bohwa bja gagwe le ntwa ya mafolofolo ya tokologo le go phela gabotse ga bomotho. E nyaka go tšweletša ditshwano gare ga boipiletšo bja gagwe bja go se lebalege bjalo ka dipolelo tša tlhohleletšo ya go dira se sengwe le Agenda ya 2030 ya Tlhabollo ya go Swarelela le Dinepo tša yona tša Tlhabollo ya go Swarelela (diSDG) yeo e dumeletšwego go Ditšhabakopabo ka 2015. Pukwana e ikemišeditše go phethagatša tše dingwe tša dipolelo tša gagwe (pele, nakong le ka morago ga mengwaga ye 27 ka kgolegong) ka go di tswalanya le diSDG tše di amanago le tšona ge re fihla gare ga go fihlelela dilebanywa tša gonabjale tša go palelwa ga batho le planete.

Madiba e bile motho wa mathomo wa go ba le letšatši leo le gafetšwego go mo hlompha ke Lekgotlatheramelao la Ditšhabakopano ge e bega gore 18 Mosegamanye (letšatši la gagwe la matswalo) bjalo ka Letšatši la Ditšhabatšhaba la Nelson Mandela. Ka ge go lemogilwe ke Ditšhabakopano, segopotšo sa letšatši la matswalo la Mandela ke "motsotso wa batho ka moka go mpshafatša ka mehola yeo e hlohleleditšego Nelson Mandela.

Tlhohleletšo ya boikgafo.Boikgafo bjo bo tseneletšego bja toka, ditokelo tša batho le ditokologo tše bohlokwa. Tumelo ye kgolo mo tekatekanong le seriting sa mosadi le monna yo mongwe le yo mongwe. Go kgatha tema mo go tšwelago pele ga poledišano le kopano go phatlalala le mafapha le dikarolo ka moka. Morero wa go feta le wa ngwaga wo wa go gopola Letšatši la Mandela, "Climate, Food and Solidarity," o gatelela ditlhohlo tša tšhoganetšo tša phetogo ya klaemete, bohloki le go se lekalekane.

Ka tirišano le Nelson Mandela Foundation, UN e ikemišeditše go kgatha tema ga mohola moo go ka se tlogelego motho morago go akaretša go fokotša bohloki, go fokotša go se lekalekane, phokotšo ya go swarelela le dipaterone tša tšweletšo, mpshafatšo ya phetogo ya klaemete le phokotšo ya kotsi, taolo ya dilahlwa, phetošetšo go mohlagase wa go hlweka, le mananeo a dijo tše di fetotšwego.

Ge re gopola mantšu a Nelson Mandela le ditiro pele, nakong le go latela Samiti ya SDG ya 2030 (18 -19 Lewedi nakong ya Lekgotlatheramolao la UN ka New York), a re gopole maatla ao yo mongwe le yo mongwe a nago le wona go dira phapano, ka ge a boletše, "bjale e ka diatleng tša rena". Ka go lemoga moya wa Mandela le go beakanya maitapišo a rena a diSDG, re ka hlola lefase la kakaretšo la go swarelela kudu, la toka gape la go lekalekana. A re hlompheng bohwa bja Nelson Mandela ka go fetolela mantšu a gagwe go tiro le go ikemišetša bokamoso bja go phadima go batho ka moka.