IsiNDEBELE Neslon Mandela SDGs Book

Ibhukwana leli liqhuba umsebenzi wokukhumbula uNelson Rolihlahla Mandela, owayengumongameli weSouth Africa, oyaziwa ngothando ngebizo elithi Madiba, ngokunanzelela i ilifa lakhe elisikhuthazelayo kanye lelingakhathaliyo lokulwela inkululeko kanye lempilakhle yoluntu. Lujonge ukuqathanisa phakathi kwesimemezelo sakhe esingakhohlwayo sokwenza lokho okukhulunywayo kanye le Ajenda yentuthuko eqhubekayo ka 2023 kanye lokuhlobeneyo kokumele kufezwe okwentuthuko eqhubekayo (Sustainable Development Goals) okwamukelwa yi United Nationa ngo 2015. Ibhukwana leli lilwela ukupha umphefumulo ezinye zezitsho zakhe (ngaphambi, ngesikhathi langemva kweminyaka yakhe engu 27 esejele) ngokuwalinganisa lama SDG ahlobeneyo njengoba sifinyelela iphakathi laphakathi lokufinyelela okuhlosiweyo okwamanje osokulahlekile ebantwini lasemhlabeni.

UMadiba waba ngumuntu wakuqala ukuthi abe lelanga elinikelwe ukumupha udumo yi United Nations General Assembly lapho ibeka umhlaka 18 Ntulikazi (ilanga lokuzalwa kwakhe) njengelanga lika Nelson Mandela emazweni wonke (Nelson mandela International Day). Njengoba kufanele ukunazwa yiUnited nations, ukukhunjulwa kwelanga lokuzalwa lika Nelson Mandela li "ngumzuzu womuntu wonke wokuvuselela le amagugu agqogqozela uNelson Mandela. Ukuzimisela okupheleleyo. Ukuzinikela okujulileyo kwezobulungiswa, amalungelo abantu kanye lenkululeko ezimqoka. Inkolo enkulu yokulingana kanye lesithunzi somuntu wonke wesifazana lowesilisa. Ukuqhuba inkulumo okungapheliyo kanye lokubambana phakathi kwendawo zonke kanye lengatsha zonke."

Indikima yomcimbi wesikhumbuzo owadlulayo kanye lowamnyaka lo, " Ezomkhathi, Ukudla kanye Lokubambana", itshengisa inhlupho ezikhona zotshintsho kwezomkhathi, ubuyanga, kanye lokungalingani. Ngokusebenzisana lenhlanganiso yeNelson Mandela Foundation, i-UN ihlose ukupha izinikelo ezilesisindo ezingasoze zitshiye muntu emuva ezigoqela ukuqeda ubuyanga, ukwehlisa ukungalingani, ukusungulwa kwemisebenzi kanye lokuqhuba ezamabhizimisi, ezombuso ezisebenzayo, ukusebenzisa kanye lokulungisa okuqhubekayo, indlela zokubhekana kanye lokwehlisa utshintsho lwezemkhathi, ukuphathwa kwengcekeza, ukusebenzisa ezamandla ezinye, kanye lezokudla eziguquliweyo.

Njengoba sibukisisa amazwi kaNelson Mandela kanye lezenzo zakhe ngaphambi, ngesikhathi kanye langemva komhlangano omkhulu we 2030 SDG Summit (mhlaka 18-19 Mpandula ngesikhathi somhlangano we UN General Assembly eNew York), kasikhumbuleni amandla omunye ngamunye wethu olawo wokwenza umahluko, njengoba watsho ngokufanela, "kathesi sokusezandleni zakho". Ngokuhlanganyelana lomoya kaNelson Mandela kanye lokufaka imizamo yethu lamaSDG, singasungula umhlaba olokuqhubeka okukhulu, olobulungiswa, olokulingana kanye lophatha wonke umuntu. Kasihlonipheni ilifa likaNelson Mandela ngokuthatha amazwi akhe siwenze kanye lokulwela ikusasa elikhanyayo kuwo wonke.