TSHIVENDA - Nelson Mandela SDGs Book

Tshibugwana itshi tshi shuma sa u pembelela nga nḓila yo khetheaho Vho-Nelson Rolihlahla Mandela, Muphuresidennde wa kale wa Afurika Tshipembe, vhane vha ḓivhiwa nga ḽa Vho-Madiba, hu khou dzhielwa nṱha vhufa havho ha u konḓelela na u sa neta kha u lwela mbofholowo na mutakalo wa vhathu. Tshi vhambedza u fana vhukati ha zwipitshi zwavho zwi sa hangwei zwa u dzhia vhukando na Adzhenda ya Mveledziso i sa Nyeṱhi ya 2030 na Zwipikwa zwa Mveledziso i sa Nyeṱhi (SDGs) zwi tshimbidzanaho nayo zwo dzhiiwaho nga vha United Nations nga 2015. Tshibugwana itshi tshi lwela u ita uri maṅwe a maambiwa avho a kunge (e vha a amba nga phanḓa, tshifhingani na nga murahu ha minwaha ya 27 vhe khothoni) nga u a vhambedza SDG dzo teaho musi ri tshi swika vhukati ha u swikelela zwipikwa zwa u bva he ra thoma hone u itela vhathu na pulanete.

Vho-Madiba vho vha muthu wa u thoma we a avhelwa ḓuvha ḽa u vha hulisa nga vha Guvhangano Ḽihulu ḽa United Nations musi vha tshi ri ḽa 18 Fulwana (ḓuvha lavho ḽa mabebo) ndi Ḓuvha ḽa Dzitshaka ḽa Vho-Nelson Mandela. Samusi zwo dzhielwa nṱha nga vha United Nations, u huliswa ha ḓuvha ḽa mabebo ḽa Vho-Nelson Mandela ndi tshikhala tsha uri vhathu vhoṱhe vha vusuludze zwithu zwa ndeme zwo ṱuṱuwedzaho Vho-Nelson Mandela. Vhuḓiimiseli ha vhukuma. Vhuḓikumedzeli vhuhulwane kha vhulamukanyi ha pfanelo dza vhathu na mbofholowo dza ndeme. U tenda nga ho dzikaho kha ndinganyiso na tshirunzi tsha mufumakadzi muṅwe na muṅwe na munna muṅwe na muṅwe. U dzhenelela hu si na u neta kha nyambedzano na vhuthihi kha maimo na khethekanyo dzoṱhe."

Thero ya ṅwaha wo fhiraho na uno ya u humbula Ḓuvha ḽa Vho-Mandela, "Kilima, Zwiḽiwa na Vhuthihi," i sumbedza khaedu khulwane dza tshanduko ya kilima, vhushai na u shaya ndinganyiso. Nga kha tshumisano na Nelson Mandela Foundation, UN yo pika u dzhenelela lu pfadzaho zwine zwa sa ḓo sia muthu murahu hu tshi katelwa u fhedza vhushai, u fhungudza u shaya ndinganyiso, u sika mishumo na vhubindudzi, vhuvhusi vhu pfadzaho, u shumisa hu sa nyeṱhi na maitele a mveledziso, u ita zwithu u tendelana na tshanduko kilima na u i fhelisa, ndangulo ya tshika, tshanduko ya fulufulu ya vhukuma, na sisteme ya zwiḽiwa yo shandukiswaho.

Musi ri tshi humbula nga ha maipfi a Vho-Nelson Mandela na zwe vha zwi ita nga phanda, tshifhingani na nga murahu ha Samithi ya SDG 2030 (18-19 Khubvumedzi musi wa Guvhangano Ḽihulu ḽa UN ngei New York), ri tea u humbula maanḓa ane muṅwe na muṅwe a vha nao u ita phambano, samusi vho zwi bula zwi khagala uri "zwino zwi zwanḓani zwanu."  Nga u ṱanganedza muya wa Vho-Mandela na u livhanya nungo dzashu na dzi-SDG, ri nga sika ḽifhasi ḽi sa nyeṱhi, ḽi re na vhulamukanyi, ḽi re na ndinganelo, na ḽine ḽa katela vhathu vhoṱhe. Kha ri hulise vhufa ha Vho-Nelson Mandela nga u ita zwe vha zwi amba na u lwela vhumatshelo vhu takadzaho u itela vhoṱhe.